Addoli/Cerdd     Adeiladau    Bugeiliol    Cyfathrebu    Diwylliant   Elusennau  Ysgol Sul

Sefydlwyd deg “Gweithgor” gan y Cwrdd Eglwys yn 1991.  Adolygwyd eu swyddogaeth a chyfunwyd rhai ohonynt yn 2002 gan leihau y nifer i 7.  Eu swyddogaeth yw  rhoi arweiniad ar wahanol agweddau ar fywyd yr eglwys.  Mae i bob Gweithgor ei Gadeirydd a’i Ysgrifennydd i arwain ei weithgarwch.   
  
Addoli/Cerdd 

Bydd yn adolygu patrwm addoliad yr eglwys ac yn rhannu yn y gwaith o baratoi oedfaon yn achlysurol, gan ddarparu deunydd ar gyfer yr oedfaon yn ol y  gofyn a threfnu rhai i arwain    a chyfrannu yn yr oedfaon.  Mae hefyd yn gyfrifol am drefnu rota cyfeilyddion ac arweinyddion y gân.

 

Adeiladau 

Y grwp sy’n gofalu am eiddo yr eglwys gan ofalu ei fod yn cael ei gadw mewn cyflwr da a diogel.
Bydd yn paratoi adroddiadau a dwyn argymhellion am unrhyw waith angenrheidiol.  Mae’n gyfrifol i sicrhau fod yr eglwys yn cwrdd a gofynion deddfau iechyd a diogelwch a darpariaeth i’r anabl.

 

Bugeiliol 

Yn gefn i weinidogaeth “fugeiliol” y gweinidog.  Bydd yn trefnu rota “ymweld” â’r hen a’r cleifion (a gychwynnwyd yn 1879).  Gofalu am gardiau cyfarch i aelodau ar wahanol achlysuron.  Cefnogi y rhai sydd a chyfrifoldeb trefnu llety pregethwyr y Sul y rota blodau a’r rhai sy'n gofal am y llestri cymun.  Trefnu ar gyfer achlysuron arbennig.

 

Cyfathrebu 

Gofalu am safle’r eglwys ar y We a diweddaru’r wybodaeth yn ôl y galw.  Paratoi tudalen fisol yn nodi trefn y gwasanaethau ac unrhyw ddigwyddiadau arbennig.  Gofalu am gyhoeddusrwydd i weithgareddau amrywiol yr eglwys.  Darparu gwasanaeth tapiau caset i aelodau sy’n gaeth i’w cartrefi.
     

Diwylliant 

Gweithgor sy’n cyfuno dau weithgarwch:

Y Gymdeithas Ddiwylliadol, sy’n cyfarfod yn ystod tymor y gaeaf, gyda rhaglen amrywiol o sgyrsiau, darlithiau, hanes teithiau, cwisiau ayyb. Cyfle i drin a thrafod, ac yn gymaint a dim i gwmnia a chymdeithasu.
Llywydd:     Y Gweinidog
Is-lywydd:     Mr Gwyndaf Roberts
Ysgrifennydd:     Mr J. Wyn Huws

 

Y Grwp Adloniant, gyda’r cyfrifoldeb o drefnu gwahanol weithgareddau yn ystod y flwyddyn: teithiau cerdded; Bowlio Deg; barbeciw; pererindod. 
 
Elusennau 

Cynnal a chryfhau gwaith dyngarol yr eglwys yn y gymuned a thu hwnt.  Codi ymwybyddaieth o sefyllfaoedd o anhegwch ac anghyfiawnder, ac ysgogi ymateb.  Hybu gwaith a chefnogi ymgyrchoedd  Cymorth Cristnogol a mudiadau fel  Jiwbili 2000 ac Ymgyrch Masnach Deg.
Trefnu Elusen y Mis - sef y 6 elusen y bydd y gynulleidfa yn dewis i’w cefnogi yn ystod y flwyddyn.
Trefnu:
Cinio Cynnil blynyddol tuag at apel Nadolig Cymorth Cristnogol - linc
Cefnogaeth i apeliadau Undeb yr Annibynwyr Cymraeg tuag at waith C.C.
Cefnogaeth i fudiadau dyngarol lleol.

Ysgol Sul